Nýggjur handil í Miðlon í Tórshavn03.10.2009

Hósdagin tann 3. september kl. 14.00 læt Rúsdrekkasøla Landsins upp handil í Miðlon, við Hoyvíksvegin í Tórshavn.

Tá útsølan hjá Rúsdrekkasølu Landsins við Hoyvíksvegin á Hálsi í Tórshavn letur aftur í dag kl. 17.30, letur hon ikki upp aftur í somu hølum í morgin.

Orsøkin er, at bygningurin er so fongdur við soppavøkstri, at Arbeiðseftirlitið í dag gav
Rúsdrekkasøluni boð um at gevast við øllum virksemi í bygninginum. Leiðslan á Rúsdrekkasøluni hevur í eina tíð havt illgruna um sopp í hølunum á Hálsi, sum
Rúsdrekkasølan leigar frá Vinnuframagrunninum, ið eisini hevur sína skrivstovu í
bygninginum.

Í sambandi við ein leka fyrr í summar varð staðfest, av HMP Consult, í samstarvi við
Dansk Bygnings Analyse, at soppavøkstur var til staðar í bygninginum. Síðani hevur
Dansk Bygningsanalyse, eftir áheitan frá leiðsluni í Rúsdrekkasøluni, gjørt tvær nýggjar
kanningar. Tann fyrra staðfesti, at talan var um víðfevndan soppavøkstur, og í seinastu
kanningini, ið varð latin síðst í farnu viku var staðfest, at bygningurin ikki var egnaður
sum arbeiðspláss í verandi líki. Føroyska Arbeiðseftirlitið hevur alla tíðina verið kunnað
um úrslitið av kanningunum, og í seinastu kanningarniðurstøðuni heitti Dansk
Bygningsnalyse á føroyska Arbeiðseftirlitið, um at støðga virkseminum í bygninginum, til
viðurskiftini eru nærri kannað.

Á fundi við leiðslu og ráðgevarar hjá Rúsdrekkasøluni í morgun, staðfesti
Arbeiðseftirlitið, at bygningurin skal steingjast beinanvegin.

Í løtuni er óvist hvussu verður við útsøluvirkseminum hjá Rúsdrekkasøluni, men greiða er
væntandi fingin á hesum í seinasta lagi í morgin, mikudagin.

- Vit hava longu flutt ein part av virkseminum til goymslubygning okkara á Hjalla.
Vinnan – t.v.s. útskeinkingarstøðini – koma sostatt ikki at merkja hesa íkomnu støðuna,
sigur Elsa Maria Holm Olsen, stjóri á Rúsdrekkasølu Landsins.

- Vit arbeiða í løtuni við at finna eina loysn viðvíkjandi útsøluni. Vit hava leitað eftir
egnaðum hølum, og rokna við at kunna lata upp aftur hósdagin í øðrum hølum í býnum.
Fløskumóttøkan verður ikki virkin komandi tíðina, og heitt verður tí á viðskiftafólk okkara
um at nýta fløskumóttøkur á hinum deildunum hjá Rúsdrekkasøluni. Helst verður talan
um eina avmarkaða tænastu í fyrstani, í mun til ta tænastu, vit hava kunnað givið, sigur
Elsa Maria Holm Olsen.

20 fólk starvast hjá Rúsdrekkasølu Landsins við Hoyvíksvegin. 10 í handlinum, 7 í
umsitingini og 3 í goymsluni og fløskumóttøkuni.

Fleiri upplýsingar kunnu fáast við at venda sær til Elsu Mariu Holm Olsen

Rúsdrekkasølan í Sandoynni flytur - 11. februar 2014
Ársfrágreiðing 2012 - 23. august 2013
Ársfrágreiðing 2011 - 10. juli 2012
Ordramóttøka og telefontíð - 31. mai 2012
Øl yvir 5,8% - 2. apríl 2012
Postpakkar frá Rúsdrekkasølu Landsins - 20. desember 2011
Allan Skaalum stjóri á Rúsdrekkasølu Landsins - 22. september 2011
Broyting í pantupphæddunum - 9. juni 2011
Deildin í Miðvági letur nú upp í nýggjum hami - 3. apríl 2011
Samleikaprógv - 22. februar 2011
Príslisti tøkur á netinum - 24. januar 2011
Aalborg Jule Akvavit 2010 tikið av hillum okkara - 8. nov. 2010
Rúsdrekkasøla Landsins opið leygardagar frá 8. mai 2010 - 17. apríl 2010
Rúsdrekkasølan nýggjan samleika - 1. des. 2009
Ordramóttøka í Tórshavn - 22. oktober 2009
Nýggj fløskumóttøka í Tórshavn - 12.10.2009