Hvussu verður
brúsandi vín flokkað?

Extra Brut
: Eyka turt
Brut: Turt (tað best umtókta
og væl hóskandi
aftur við
mati)
Extra Dry: Í miðjuni á turr-
leikastiganum, men ikki so
turt sum Brut (hóskar væl
niðurundir)
Sec: Søtt
Demi-Sec: Rættiliga søtt
(hóskar
best aftur við frukt
og desert)





Mong okkara halda brúsandi vín vera eina sjálvfylgju í sambandi við veitslu og hátíðarhald, og vínið verður ofta valt, tí tað kann poppast, og tí at tað brúsar.
Tað er eins og høvið krevur bløðrur og einki annað. Í øðrum høpi verður brúsandi vín harafturímóti valt, tí tað hevur heilt serstakar eginleikar.

Les í faldara okkara um brúsandi vín og hvør matur hóskar til hetta spennandi vín

Brúsandi vín
Méthode Champenoise er tann siðbundni hátturi, sum champagna verður framleidd eftir, men við tíðini hava framleiðarar uttanfyri Champagne nýtt og nýta enn aðrar framleiðsluhættir at framleiða brúsandi vín, sum ikki kann kallast champagna, men í staðin verður nevnt eitt nú Cava, Prosecco og Asti Spumante. Til Prosecco og Asti Spumante verða tangar nýttir til framleiðsluna, men til Champagne, Crémants og Cava verður gamli framleiðsluhátturin við fløsku nýttur.

Báðir framleiðsluhættirnir at gera brúsandi vín eru væl umtóktir, men tað er tann gamli mátin við fløskum, sum aloftast veitir mest samansetta vínið. Tá ið gerin hevur gjørt sítt, fer hon til botns í fløskuni og verður liggjandi. Tá ið botnfallið verður upployst, verða nevniliga teir serstøku eginleikarnir gjørdir, sum eyðkenna samansett brúsandi vín. Henda tilgongd verður nevnd autolysa og fevnir um nógvar samansettar lívevnafrøðiligar reaktiónir.

Champagna
Champagna er eitt brúsandi vín, ið er gjørt av seinnu geringini av hvítvíni, har kolsýran verður til. Navnið kemur frá franska økinum Champagne. Champagnan í 1800-talinum var nógv søtari enn tann champagnan, vit kenna í dag. Smakkskiftið móti einari turrari champagnu byrjaði í 1846,  tá framleiðarin Perrier-Jouét valdi ikki at koyra søtevni í champagnuna, áðrenn hon varð útflutt til London. Hetta hevði við sær variantin Brut Champagne, sum í dag er ógvuliga væl umtóktur.

Navnið Champagne kann bert brúkast til champagnu, ið er framleidd í umráðnum Champagne í Fraklandi. Champagna verður framleidd av drúvunum Chardonnay, Pinot Noir og Pinot Meunier. Eftir fyrstu geringina og fløskuáfyllingina er seinna geringin í fløskuni. Hendan geringin verður sett í gongd við at seta ger og sukur til. Síðani skal champagnan liggja í minst 1½ ár, áðrenn hon er liðug. Eftir hetta verður fløskan vend á høvdið, soleiðis at tey evnini, sum ikki eru gerað, leggja seg at proppinum. Fløskan verður fryst og latin skjótt upp, soleiðis at tær ógeraðu restirnar kunnu tømast, og verður proppurin koyrdur á aftur.


Cava
Spanskt brúsandi vín
Spumante
Italskt brúsandi vín. Best kent
fyri brúsandi vín úr Asti-økinum
Prosecco
Italskt brúsandi vín
Cremant
Franskt brúsandi vín framleitt
uttan fyri kenda Champagneøki
í Fraklandi
Blanc de Blanc
Vín framleitt úr drúvuni Chardonnay
Blanc de Noirs
Vín framleitt úr drúvuni Pinot
Noir og Pinot Meunier